देशभक्ति व देशद्रोह ...

काल कन्हैयाकुमारची पुण्यात वार्ताहर परिषद झाली. " ज्याचा भाऊ देशाच्या सीमेवर लढतांना शहीद झाला त्याला देशभक्तिचे धडे दिले जात आहेत. " असे म्हणतांना सरकारवर त्याने सडकून टीका केली, तो म्हणाला " आम्ही सांगू तसे वागाल, आम्ही सांगू तसे खाल तर तुम्ही देशभक्त अन्यथा तुम्ही देशद्रोही. यांनी देशभक्तीचे दाखले देण्याचे दुकान उघडले आहे." वगैरे वगैरे.

त्याच्या म्हणण्याला माध्यमांनी फार ठळक प्रसिद्धि दिली नाही. सीमेवर देशासाठी शहीद होणाऱ्या वीर जवानाचा हाच भाऊ कन्हैयाकुमार अफज़ल गुरुला फाशी दिली यावर आक्षेप घेतांना म्हणतो कि (कृपया दिलेल्या लिंकमधील क्लिप ऐका)

१.संविधानाचे पालन झाले नाही व
२.म्हणणे मांडण्याची संधी दिली नाही.

या गोष्टीचे समर्थन करतांना त्याने मांडलेला तर्क - "आपली घटना म्हणते कि १०० दोषी सुटले तरी चालतील पण एका निरपराधाला शिक्षा होता कामा नये."

हा तर्क कन्हैयाकुमार अफज़लचे बाबतीत मांडतोय म्हणजे अफज़ल निरपराध होता असे म्हणायचे आहे का ? कि तो दोषी असून सुटला तरी हरकत नाही असे म्हणाचय ?

समाजाच्या नजरेआड गुपचुप चोरी, मारामारी किंवा बलात्कारी कृत्य करणार्यांना व उघड उघड देशविघातक कृत्य करणाऱ्यांना समान मापदंड लावायचा का ?

देशासाठी प्राणांची आहुती देणाऱ्या जवानाच्या भावाकडून अफज़लचे बाबतीतची ही भूमिका व तर्क १००% चूक व चीड आणणारा आहे.

असे तर्क जर कोणीही घटनेला पुढे करुन वा घटनेचा हवाला देऊन एका देशविघातर कृत्य करणाऱ्यासाठी मांडत असेल तर राजकीय पक्षांचे जाऊ द्या एक सर्वसाधारण नागरिकही त्याला एकदा नाही १०० वेळा देशद्रोही म्हणेल मग असलेला तर्क मांडणारा अगदी शहीद जवानाचा भाऊ असला तरी !

कन्हैयाकुमारने लोकशाही व संविधान चे बचाव करतांना दिलेला विचित्र तर्क ऐका

http://dai.ly/x55lbdu

बिंदुमाधव भुरे, पुणे

Shared with https://goo.gl/9IgP7